تحميل محصول فول الصويا مع الذرة الشامية

 

 

اهلي الترابلة كل السلام والاحترام ….. ليه بنعمل زراعة التحميل اصلا ً؟؟

سألتوني عشان تنحصل علي محصولين اجمالي انتاجهم في الفدان اعلي من زراعة المحصول واحد بس.

يعني مثلا اجمالي انتاج( الذرة+ فول الصويا )
بيكون اعلى من زراعة الذرة منفرد  او فول الصويا منفرد.

وفي نفس الوقت بنقلل مدخلات زي سماد اليوريا (الملح) وده لانه  نبات فول الصويا نبات بقولي  عن طريق العقد الجذرية بيثبت النيتروجين من الجو الي الارض فبالتالي بيستفيد منه النبات
طيب كيف نحمل الذرة مع فول الصويا.

اولاً بالتبادي نزرع  محصول فول الصويا في اربعة  خطوط  ونخلي خطين  للذرة الشامية.

ومع رية الاولى بعد زراعة  لفول الصويا نقوم نزرع   الذرة الشامية علي مسافة 20-25سم.

لكن اهم حاجة اختيار صنف ذرة شامية مبكرة النضج  وقصيرة
بالنسبة للناس البتحضر الارض  للموسم الشتوي.

في حالة ح تزرع في سراب اسمع نصيحتي و
حضر ارضك تمااام  وخلي سرابك شمال جنوب

*طيب ليه شمال جنوب*  ؟؟؟
عشان في الشتاء الرياح شمالية ولما تحضر سرابك شمال جنوب الرياح الشمالية ح تخش بين السراب وتمشي بإتجاه الجنوب وتصل لكل النباتات المزروعة في السراب.

وبالتالي البرودة في اول السرابة وفي نهايتها واااحد لانو مافي نباتات منعت دخول الرياح وكمان الرياح دي طردت الآفات الزراعية في كل الحقل وخاصة حشرة  الذبابة البيضاء و حشرة المن البتسبب العسلة .

*طيب ولو عملت سراب شرق غرب البحصل شنو؟

البحصل إنو الرياح الشمالية ح تصل لأول سرابتين تلاتة والنباتات الموجودة فيها حا يكون إنباتها تمام لانها لقت هواء بارد والهواء ذاتو طرد الآفات الزراعية فيهن.

وباقي المزرعة ح تكون قلت فيها الرياح لأن السرابات الفي الاول نباتاتها حجبت الرياح من باقي النباتات في السرابات الجنوب منها.

وبالتالي زادت سخانتها وبقى جو مناسب لإنتشار حشرة الذبابة البيضاء وحشرة المن المسببة للعسلة في المحاصيل الزراعية.

فالافضل تخلي سرابك شمال جنوب وتزرع محصولك على جانبي السرابة وممكن على قمتها لو كان عرض السرابة كبير.

لكن لو محصولك كان البطاطس الامر مختلف فالبطاطس حكاية السرابة شمال جنوب دي ماااا بتمش معاها كيف ؟

اتجاه سرابات محصول البطاطس الافضل يكون شرق غرب وتتزرع الدرنة في الجانب الشمالي عشان اشعة الشمس